Rekstrarstjóri fasteigna við Landbúnaðarháskóla Íslands
Landbúnaðarháskóli Íslands óskar eftir að ráða rekstrarstjóra fasteigna skólans. Rekstur fasteigna heyrir undir rekstrarsvið skólans. Meginstarfsstöð er á Hvanneyri. Starfið felst í umsjón með almennu viðhaldi og rekstri húsnæðis háskólans, þar með talið Nemendagörðum Búvísindadeildar sem staðsettir eru á Hvanneyri. Húsnæði skólans telur yfir á þriðja tug misstórra fasteigna sem eru m.a. á Hvanneyri, Keldnaholti í Reykjavík og Reykjum í Ölfusi. Helstu byggingar skólans eru leigðar af Ríkiseignum.
Verkefni sem falla undir rekstrarstjóra fasteigna eru m.a. samskipti við Ríkiseignir varðandi viðhaldsáætlanir og aðra umsjón með byggingum, sorphirðumál, ræstingar, leigusamningar, aðgangsstýring og öryggismál og annað eftirlit með almennri nýtingu húsnæðis.
Rekstrarstjóri fasteigna ber m.a. ábyrgð á: Almennu eftirliti og viðhaldi bygginga eftir atvikum í samstarfi við Ríkiseignir. Gerð viðhaldsáætlana og framfylgd þeirra. Málefnum er lúta að daglegri ræstingu húsnæðis sem og öðrum þrifum og hreingerningu. Vinnu við gerð útboða og samninga. Aðstoðar við gerð fjárhagsáætlana, kostnaðarstýringu umsjónar-og viðhaldsverkefna í samráði við fjármálastjórn LbhÍ.
Umsækjendur skulu hafa meistararéttindi í húsasmíði, reynslu af skipulagningu fjármála og stjórnunar byggingarekstrar og viðhaldsverkefna. Mikilvægir eiginleikar í starfinu eru sjálfstæði, frumkvæði, þjónustulund og vilji til samstarfs.
Miðað er við að umsækjandi geti hafið störf 1. desember 2015.
Launakjör eru samkvæmt kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.
Nánari upplýsingar um starfið veita Theodóra Ragnarsdóttir, rekstrarstjóri í síma 433 5000 eða tölvupósti
Umsóknarfrestur er til 12. október n.k.. Umsóknir sendist til Landbúnaðarháskóla Íslands, Ásgarði, Hvanneyri 311 Borgarnes eða með tölvupósti til Kristínar Siemsen,
Landbúnaðarháskóli Íslands
-Háskóli lífs og lands-
