Starf lektors í jarðrækt við Auðlinda- og umhverfisdeild Landbúnaðarháskóla Íslands
Laust er til umsóknar 100% starf lektors í jarðrækt við Auðlinda- og umhverfisdeild Landbúnaðarháskóla Íslands. Starfið felur í sér skyldur sem lúta að rannsóknum, kennslu og stjórnun í Auðlinda- og umhverfisdeild.
Lektornum er ætlað að byggja upp alþjóðlega viðurkenndar rannsóknir á sérsviði sínu, birta ritrýndar vísindagreinar, afla rannsóknarstyrkja og taka virkan þátt í bæði alþjóðlegum sem innlendum verkefnum og samstarfi. Ennfremur, að kenna í námskeiðum á grunn- og framhaldsstigi og leiðbeina nemendum í rannsóknaverkefnum, auk þess að taka virkan þátt í nefndastörfum deildar. Lektorinn hefur jafnframt tækifæri til að þróa námskeið og kennslu í grunn- og framhaldsnámi.
Menntunar- og hæfniskröfur:
• Samstarfshæfni, virðing og lipurð í samskiptum er algjört skilyrði og ætlast er til að umsækjandi sýni fram á þessa færni í umsóknarferlinu.
• Doktorspróf í jarðrækt eða skyldum greinum.
• Góð grunnþekking og reynsla af rannsóknum á líffræði nytjaplantna.
• Þekking á jarðrækt á norðlægum slóðum er kostur.
• Umsækjandi hafi birt rannsóknir sínar á viðurkenndum vettvangi og hafi skýra framtíðarsýn í þeim efnum.
• Reynsla af kennslu og geta og vilji til þess að þróa nýjar aðferðir til þekkingarmiðlunar á fræðasviðinu.
• Æskilegt er að umsækjandi hafi átt aðild að rannsóknarverkefnum og öflun rannsóknastyrkja í samvinnu við aðra.
• Stjórnunarreynsla og íslenskukunnátta er æskileg.
Horft verður til þess að umsækjendur falli sem best að stefnu, aðstæðum og þörfum Auðlinda- og umhverfisdeildar. Æskilegt er að ekki hafi liðið meira en 15 ár frá doktorsprófi umsækjanda.
Upphafleg ráðning verður til fimm ára í samræmi við lög um opinbera háskóla nr. 85/2008. Að þeim tíma liðnum verður tekin ákvörðun um framhaldið. Gert er ráð fyrir að umsækjandi hefji störf sem fyrst og eigi síðar en 1. ágúst 2017. Athygli er vakin á því að samkvæmt reglum Landbúnaðarháskóla Íslands er rektor heimilt að veita framgang í starf dósents eða prófessors strax við nýráðningu uppfylli viðkomandi þau skilyrði.
Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna um nýráðningar og framgang akademískra starfsmanna við Landbúnaðarháskóla Íslands frá 20. september 2012.
Kennsla í grunnnámi við LbhÍ fer að jafnaði fram á íslensku í samræmi við málstefnu skólans. Ef móðurmál viðkomandi er ekki íslenska er ætlast til að hann hafi öðlast næga færni til að nota íslensku við kennslu innan þriggja ára frá því að hann hefur störf. Meginstarfsstöðvar LbhÍ eru þrjár: að Hvanneyri í Borgarfirði, á Keldnaholti í Reykjavík og að Reykjum í Ölfusi. Kennsla sú sem fellur undir umrætt starf fer fram að Hvanneyri.
Launakjör eru skv. kjarasamningum opinberra starfsmanna. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.
Fyrir frekari upplýsingar, vinsamlegast hafið samband við Auði Magnúsdóttur, deildarforseta Auðlinda- og umhverfisdeildar í síma 433 5000 eða með tölvupósti (
Umsóknarfrestur er til 15. janúar 2017. Umsóknir sendist til Landbúnaðarháskóla Íslands b/t Kristín Siemsen Ásgarði – 311 Hvanneyri eða í tölvupósti
Landbúnaðarháskóli Íslands áskilur sér rétt til að hafna öllum umsóknum. Auglýsing getur gilt í allt að sex mánuði. Öllum umsóknum verður svarað þegar ákvörðun um ráðningu liggur fyrir.
