Umhverfisstofnun, Vinnueftirlitið og Endurmenntun Landbúnaðarháskóla Ísands bjóða upp á nám í meðferð varnarefna fyrir alla sem vilja mennta sig í meðferð varnarefna við eyðingu meindýra og/eða meðferð plöntuverndarvara í landbúnaði og garðyrkju, sem og þau sem þurfa að endurnýja réttindi sín á þessu sviði. Námið er metið til eininga á framhaldsskólastigi.
Þrjár námsleiðir eru í boði:
I. Fullt nám í meðferð plöntuverndarvara og útrýmingarefna
II. Nám í meðferð útrýmingarefna við eyðingu meindýra
III. Nám í meðferð plöntuverndarvara í landbúnaði og garðyrkju
II. Nám í meðferð útrýmingarefna við eyðingu meindýra
III. Nám í meðferð plöntuverndarvara í landbúnaði og garðyrkju
Námið er kennt í fjarnámi og námsefni frá kennurum aðgengilegt allan sólarhringinn á námsvef skólans meðan á námskeiðinu stendur. Nemendur stýra því alfarið sjálf hvenær hlustað er á fyrirlestra og farið yfir námsefnið.
Námskeiðið hefst þriðjudaginn 3. september og lýkur með rafrænu prófi þriðjudaginn 17. september. Opið fyrir umsóknir til 29. ágúst nk.
Allar nánari upplýsingar á vef Endurmenntunar Landbúnaðarháskóla Íslands.
