Góð mæting og umræður urðu á fyrsta fundi til kynningar á drögum að landbúnaðarstefnu fyrir Ísland. Það var vel við hæfi að fundarröðin hæfist á Hvanneyri í aðalbyggingu Landbúnaðarháskóla Íslands.
Ræktum Ísland hefur verið kallað umræðuskjal og er hægt að veita umsögn um það í gegnum Samráðsgátt stjórnvalda til 26. maí. Í umræðuskjalinu er að finna meginatriði eða tillögur í 19 efnisköflum sem lagt er til að verði lögð til grundvallar við endanlega gerð landbúnaðarstefnunnar og aðgerðaráætlunar í samræmi við hana. Í tillögum verkefnisstjórnar er hugað að umgjörð landbúnaðarins í heild og því ekki fjallað sérstaklega um einstakar búgreinar. Núverandi búvörusamningar gilda til ársins 2026 og er tilgangur skjalsins að vísa vegin við gerð slíkra samninga í framtíðinni.
Næstu fundir:
- Blönduós 8. júní kl. 16:00. Félagsheimilið Blönduósi.
- Eyjafjörður 8. júní kl. 20:30. Hlíðarbær.
- Þistilfjörður 9. júní kl. 12:00. Svalbarðsskóli.
- Egilsstaðir 9. júní kl. 20:00. Valaskjálf
- Höfn í Hornafirði 10. júní kl. 12:00.Nýheimar.
- Selfoss 14. júní kl. 20:00. Þingborg.
- Höfuðborgarsvæðið 15.júní kl. 20:00. Atvinnuvega- og nýsköpunarráðuneytið.
- Opinn fjarfundur. Nánar auglýstur síðar.
