Fjölbreytt verkefni verða kynnt á málstofunni sem er öllum opin
Mánudaginn 3. september munu nemar Landgræðsluskóla Háskóla Sameinuðu þjóðanna kynna niðurstöður rannsóknarverkefna sinna á málstofu sem haldin verður á starfsstöð Landbúnaðarháskóla Íslands á Keldnaholti í Reykjavík.
Málstofan fer fram í Geitaskarði á 2. hæð, frá kl. 10:00-12:00 og 13:00-16:00. Í ár eru 17 nemar frá níu löndum við nám í Landgræðsluskólanum. Í heimalöndum sínum starfa þau sem sérfræðingar við háskóla, ráðuneyti, hérðasstjórnir, og rannsókna- og eftirlitsstofnanir á sviði landnýtingar- og landverndarmála. Hálfs árs námi þeirra við Landgræðsluskólann er senn að ljúka og eftir að námi þeirra lýkur, halda þau til síns heima og halda áfram störfum sínum. Verkefnin sem kynnt verða á málstofunni eru fjölbreytt, eins og sjá má af dagskránni.
