Verið velkomin til okkar miðvikudaginn 22. maí. Við höfum opið hús á Hvanneyri og Keldnaholti og kynnum þar námsframboð okkar og aðstöðu. Starfsfólk verður á staðnum og svara spurningum ásamt því að hægt verður að fá fræðslu um lífrræðilegan fjölbreytileika og hjálpa okkur í áskorun um að skrásetja sem flestar tegundir á landssvæðum háskólans.
Opið hús á Hvanneyri
Á Hvanneyri er opið hús frá kl 14-17 í Ásgarði, aðalbyggingu Landbúnaðarháskólans. Þar er hægt að skoða aðstöðuna, fá upplýsingar um námsframboð okkar og spjalla við starfsfólk sem verður á staðnum og svarar spurningum um námið og lífið í skólanum. Hægt verður að fá upplýsingar um nemendagarðana og skoða. Viðburðarsíða. Hvanneyri er í klukkutíma aksturfjarlægð frá höfuðborgarsvæðinu og um að gera að kíkja við.
Opið hús á Keldnaholti - Skipulagsfræði
Á Keldnaholti, starfsstöð okkar í Reykjavík við Árleyni 22, kynnum við möguleika á meistaranámi í skipulagsfræði. Verið velkomin 22. maí milli kl 16-17 þar sem starfsfólk segir frá náminu og svarar spurningum ásamt því að hægt verður að skoða aðstöðuna og verkefni nemenda. Viðburðarsíða.
Dagur líffræðilegrar fjölbreytni
Sama dag milli kl 14-17 höldum við uppá alþjóðlega Dag líffræðilegrar fjölbreytni og bjóðum gestum og gangandi uppá fræðslu og skemmtun því tengdu. Landbúnaðarháskólinn tekur þátt í alþjóðlegri áskorun sem kallast BioBlitz og er á vegum ICA, samtökum Evrópska háskóla á sviði lífvísinda. Með þessu viljum við vekja athygli á líffræðilegum fjölbreytileika og stuðla að aukinni náttúruupplifun fólks. Hentar fyrir fólk á öllum aldri.
Við fáum einnig til okkar gesti frá Landi og Skógi sem verða með fræðslubása, starfsfólk háskólans tekur á móti sem og starfsfólk frá Hafrannsóknarstofnun sem býður fræðslugöngu kl 15. Umhverfisstofnun leggur til fræðslu ásamt því að hægt verður að hlaða niður smáforriti í símann sinn til að hjálpa okkur að skrásetja lífríkið á háskólasvæðinu. Viðburðarsíða.
Öll velkomin!
