Arna Garðarsdóttir er nýr mannauðsstjóri Landbúnaðarháskóla Íslands. Arna er í hlutastarfi og mun starfa á öllum starfsstöðvum LbhÍ. Arna er með kennarapróf og próf í náms- og starfsráðgjöf frá HÍ. Hún lærði Human resource management í University of Washington í Seattle. Arna hefur frá árinu 2001 unnið fyrir Actavis, CCP og Marel, ýmist sem sérfræðingur í mannauðsmálum eða mannauðsstjóri.
Arna er uppalinn á Eskifirði og segist hafa unnið allflest störf sem tengjast sjómennsku og fiskvinnslu auk starfa í ferðamannaiðnaðinum. Starfsmenn LbhÍ bjóða Örnu velkomna til starfa.
