Hanna Rún Ingibergsdóttir, tamningamaður og reiðkennari, hefur verið tilnefnd til knapaverðlauna ársins hjá Landssambandi hestamanna. Tilnefningin er í flokknum Gæðingaknapi ársins 2024.
Það er skemmtilegt frá því að segja að Hanna Rún er kennari á námskeiðum hjá Endurmenntun Landbúnaðarháskóla Íslands og hefur bæði kennt í Keppnisnámi reiðmannsins sem og á námskeiðum Reiðmannsins I, II og III.
Við hjá Endurmenntun Landbúnaðarháskólans óskum Hönnu Rún innilega til hamingju með þennan mikla heiður sem tilnefningin er og erum mjög stolt af því að hún hafi í gegnum tíðina komið að kennslu á námskeiðunum okkar.
Þess má að lokum geta að opnað verður fyrir skráningar í Keppnisnám reiðmannsins í lok október en námið er á áætlun á vormisseri. Nánari upplýsingar um Keppnisnámið og önnur námskeið Endurmenntunar Landbúnaðarháskóla Íslands má finna á https://endurmenntun.lbhi.is/.
