Gamla bæjartorfan á Hvanneyri ásamt minjum, flæðiengjum og fitjum á bökkum Hvítár verður friðlýst á Hvanneyrarhátíðinni nk. laugardag. Forsætisráðherra, Sigmundur Davíð Gunnlaugsson, mun gera það með formlegum hætti á tröppum Hvanneyrarkirkju kl 13.30.
Friðlýsingin mun taka til gömlu húsana, ásýndar staðarins, mannvistarleifa, garða, minningarmarka í kirkjugarði, jarðræktarminja, flóðgarða og áveitukerfa sem tengdust engjarækt á bökkum Hvítár. Er þetta í fyrsta sinn sem húsaminjar og menningarheildir eru friðlýstar.
